Ќерката на Драгица Стевковска-Дракче и на Орце Стевковски-Царот објави посебна приказна за нејзините родители која доби многу коментари на социјалните мрежи.
Ане Стевковска-Маневска сподели слика со фолк-пејачот Орце и со водителката Дракче, нејзините родители како заедно уживаат во концертот на Влатко Миладиновски кој се одржа вчера во Арената „Борис Трајковски“.
-На концерт на Влатко Миладиноски. Поддршка за македонската народна музика – темел на нашиот идентитет, традиција и културно наследство. Честитки за преубавиот концерт!- напишала Ане Стевковска-Маневска. До сликата има многу коментари, а еден вели: „Убаво да си поминете, легенди“.
Потоа, Ане споделила и неколку видеа од концертот кој бил полн, а публиката уживала во песните на еден од најпопуларните пејачи во фолк музиката кај нас.
Во октомври, Драгица Стефковска Дракче беше болница од каде што објави слики, а за нејзиното здравје се огласи нејзината ќерка. „Мама е добро. Фала ти Господе! Ви Благодарам на сите за грижата и упатените молитви“, напиша таа на фејсбук.
