„Не се клади на Енглези“ по текст на Владимир Ѓурѓевиќ, во режија на Синиша Евтимов вечерва на репертоар во Македонскиот народен театар. Претстава која го третира феноменот „спортско обложување“. Текстот во суштина се занимава со прицините и последиците од истиот. Бескрајно долгата транзициска беда, надежта на пониските социјални слоеви за брза заработка, дегенерација на нацијата итн. Жанровски претставата е комедија, но во текстот може да се насетат и болните аспекти на девијантната појава, обложувањето. На секундарно ниво оваа претстава ја истражува и границата помеѓу човековата себичност и искреното пријателство.
Играат: Сашко Коцев – Паун, Оливер Митковски – Пикси и Александар Микиќ – Буле.
Претставата е закажана со почеток од 20 часот. Цената на билетот изнесува 500 денари.
