Принцезата Шарлин, која се лекува надвор од Монако, ќе закрепнува следните месеци, објави во четвртокот Монегаската палата.
Шарлин, сопругата на принцот Алберт Втори, се опоравува од екстремна исцрпеност откако се врати во Монако во ноември по неколку месеци престој во Јужна Африка.
Нејзиното отсуство од прославата на Националниот ден на Монако во ноември, што е најголемиот годишен настан на палатата Монако, предизвика загриженост кај јавноста за нејзиното здравје, но се појавија и бројни шпекулации за наводни проблеми во бракот.
(ФОТО) ЕДНА СЛИКА 1000 ЗБОРОВИ: Принцезата Шарлин се обиде да стави крај на гласините, неуспешно
„Принцезата закрепнува на задоволителен начин, иако може да бидат потребни месеци за целосно закрепнување“, соопшти палатата.
Принцот Алберт и нивните деца планираат да ја посетат Шарлин за време на Божик и бараат да се почитува семејната приватност.
Принцот Алберт за списанието „People“ во ноември изјави дека на 43-годишната Шарлин ѝ е потребно закрепнување надвор од Монако, но не ја спомна природата на нејзините здравствени заболувања.
(ФОТО) ПРИНЦЕЗАТА ШАРЛИН ОД МОНАКО: Како се стекна со прекарот „Најтажната жена на светот“
„Таа беше многу исцрпена, физички и емоционално. Не можеше да ги извршува службените обврски воопшто, дури ни семејните“, рече тој.
Поранешната олимписка пливачка од Јужноафриканската Република се омажи за принцот Алберт во 2011 година, а во негово друштво за првпат се појави во 2006 година на Зимските олимписки игри во Торино.
Лошите гласини за нивниот брак кој имаше предиспозиции за бајка бидејќи принцот долго време важеше за најпосакуван ерген, започнаа по венчавката.
Се шпекулираше дека Шарлин се обидела да побегне во пресрет на венчавката, што секако, од палатата беше демантирано.
Алберт е син на принцот Рениер Трети од Монако и американската филмска ѕвезда Грејс Кели, која загина во сообраќајна несреќа во 1982 година.
