Најљубовна порака јавно ѝ ја испрати Димитар Атанасовски на Сара Мејс, неговата сопруга, а поводот е нејзиниот роденден.
Водителот и ко-сопственик на маркетинг агенција и харфисткаата и пејачка се во брак од 2017 година и имаат две деца, Илина и Кирил со кои често патуваат, играат друштвени игри и поминуваат време во природа.
Кога прославија пет години брак, Сара на Димитар му напиша љубовна порака на својот инстаграм-профил: „100 пати да се родам, 100 пати ќе те најдам“, напиша Сара до фотографиите.
Пејачката вчера прославила роденден, и ѝ честитале многумина меѓу кои и Тамара Тодевска која напишала: „Среќен роденден блесава една“, а ѝ честитал и нејзиниот брат, како и Александар Тарабунов. А најљубовната честитка, Сара ја добила од сопругот:
„Среќен роденден на нашата кралица, најсекси мама, мојата сродна душа, најинспиративната животна партнерка. Знаеш сè што ти посакуваме“, стои во честитката со неколку семејни фотографии.
