По емотивната објава на Инстаграм со која ги израдува своите обожаватели, Тома Паниќ потврди дека неговата сопруга, пејачката Надежда Билјиќ, успешно ја завршила неколкумесечната борба со тешката болест. Пејачката се бореше со дијагнозата од февруари годинава, поминувајќи низ болнички престои, онколошки третмани, за на крајот на август да ги дочека најдобрите можни вести.
View this post on Instagram
Тома истакна дека Надежда сега се чувствува добро, но дека пред нив претстои период на редовни здравствени контроли:
„Добро сме. Не сакаме да зборуваме многу за тоа за да не предизвикуваме помпезност, но во еден момент Надежда сама сè ќе раскаже. Ние сме среќни и задоволни бидејќи таа ја победи болеста. Сега следат контроли, но таа е голем борец“.
Покрај здравствената победа, Паниќ кој денес се грижи за нејзината кариера и менаџмент, истакна дека нивното семејство конечно ужива во мирен период откако ги отстраниле сите лажни пријатели и се посветиле исклучиво на нивниот син Лонго и нејзината музичка кариера.
