Пејачката Нада Топчагиќ своевремено раскажа дека имала сериозен инцидент со својот колега Маринко Роквиќ, кој прераснал и во физичка пресметка. Овој, помалку познат скандал од естрадната сцена, таа го откри јавно, зборувајќи отворено за нивниот сложен однос.
Иако ја започнале музичката кариера во ист период и заедно поминале низ многу убави, но и тешки моменти, меѓу нив не недостасувале тензии и несогласувања.
Нада раскажа дека Маринко ѝ замерувал што сакала да се фотографира со сите обожаватели. Во еден момент, тоа довело до инцидент – тој ја повлекол за коса, а таа жестоко му возвратила.
„Да, се скаравме и се потепавме. Ме повлече за коса, а јас го удирав во потколеницата. Сето тоа се случи во комбе. Околу нас имаше луѓе кои бараа фотографии, а јас бев единствената жена. Бевме на турнеја – Маринко, Бора Дрљача и јас. Патувавме низ Лика и низ Хрватска, сите заедно во едно комбе“, се присети пејачката.
Таа откри и дека тогаш била навредена од Маринко.
„Луѓето бараа фотографии, а ние брзавме кон друг концерт и доцневме. Сакав сите да ги испочитувам, а во еден момент Маринко ми рече: ‘Слушај ти, козо една! Зошто делиш фотографии?! Постојано доцниме поради тебе!’ Му одговорив: ‘Ќути, љубоморен си на мојот успех! Зошто тебе никој не те бара?!’ И така дојде до кавгата“, раскажа Нада во интервју за Телеграф.
И покрај сите несогласувања, пејачката признава дека денес најмногу жали што не успеала да стапи во контакт со него додека бил болен.
„Жал ми е што не се јавив директно кај него. Се слушав со неговиот син Никола и со сопругата Славица, но не сакав да го вознемирувам Маринко. Мислев дека ќе има време. Не знаев колку состојбата е сериозна. Ни ден-денес не знам од што точно боледуваше, бидејќи семејството не сакаше да зборува за тоа. Пред десетина дена ми рекоа дека е многу лошо и дека болеста е тешка. Тогаш Никола ми рече: ‘Тукушто влегов кај него, рече дека му е жал што сте се карале.’“
