Своите долги нозе и деколтето, Стојне Николова гордо ги покажа на специјален настан и испрати посебна порака.
Имено, фолк-пејачката настапи на фестивалот „Роса“, на кој инаку редовно пее и ја освои публиката со гласот, но и со ставата, фустанот и секако, со песната. Згодната струмичанка, по настапот на својот фејсбук-профил објави:
– Синоќа се одржа 26-тото издание на Фолк фест „Роса“. „Убави по душа” е песната со која настапив, а аплаузот од публиката го следеше ритамот на истата, од почеток до крај. Ви благодарам на секој убав коментар и поддршкa. Еве мал исечок од песната:
– Браќа, сестри, раце ширам силно да ве гушнам. Што сме минале, зад НАС нека е, и на сите јадови пепел да им фрлиме“. Музика и аранжман: Бобан Мојсовски, текст: Ѓорги Калајџиев, аудио продукција: Анастасија студио, Мојсо продукција, SN MUSIC 2025“ – објави пејачката.
