Канје Вест деновиве е многу популарен, но таквата „популарност“ веројатно нему му задава многу главоболки. По неговите антисемитски ставови го напуштија сите главни и големи спонзори, а изгледа и потрагата по нови тешко дека ќе биде успешна, бидејќи Вест вчера се појавил во седиштето на „Скечерс“ во Лос Анџелес, а тие го избркале по кратко време.
Дури и музејот „Мадам Тисо“ во Лондон одлучи да ја отстрани восочната фигура на раперот Канје Вест и со тоа стана последната институција во низа која ја прекина соработката со хип-хоп артистот по неговите антисемитски ставови.
Познатиот музеј ја премести фигурата на раперот во архивска просторија, симболично претставувајќи го неговиот општествен и кариерен пад во последните неколку дена.
„Фигурата на Канје е повлечена од музејот во нашата архива. Секој треба да го заслужи своето место во ‘Мадам Тисо’, а ние ги слушаме нашите посетители и нивните желби во врска со тоа кого очекуваат да го видат во музејот“, изјави портпаролот на „Мадам Тисо“ во Лондон.
Восочната фигура на Канје Вест, заедно со онаа на неговата поранешна сопруга Ким Кардашијан, беше поставена во музејот во 2015 година.
View this post on Instagram
