Минатата година Тејлор Свифт го издаде својот 10-ти студиски албум Midnights, кој ги собори сите рекорди со што младата пејачка заокружи една многу успешна година. Но, американската ѕвезда продолжи понатами – Свифт е единствената жена на листата на Форбс за топ 10 најплатени луѓе во светот и го зазеде високото деветто место.
Тејлор заработи 92 милиони долари во претходната година, а пријавениот приход доаѓа од продажба на албуми, стримови, договори за лиценцирање и синхронизација.
Aлбумот го собори рекордот на Spotify за најголем број еднодневни стримови и продаде најмногу плочи за една недела во 21-от век, со што стана најпродаваниот албум таа година.
На самиот врв на листата на Форбс е рок групата „Genesis“ која заработила 230 милиони долари по продажно место.
На второ место е Стинг со заработка од 210 милиони долари.
