Познатата пејачка Јелена Карлеуша и нејзиниот долгогодишен менаџер, соработник и близок пријател Зоран Бирташевиќ ја прекинаа повеќедецениската соработка и пријателство, а нивниот однос дополнително ескалираше со јавни остри прозивки на социјалните мрежи.
Шпекулациите за нивната караница започнаа откако Бирташевиќ го изгуби својот татко, а Карлеуша не беше присутна за да му пружи поддршка во најтешките моменти. Набрзо потоа, Бирташевиќ отворено се огласи на социјалните мрежи со остар статус:
„Затоа што сум пристоен, имам прилично трпение и сакам да го потиснам сето она што ми се случи во најтешките моменти… На сите тие мои особини се смета, кога се пакуваат приказни со цел да се прикрие сопствениот срам. Следниот чекор ќе биде комплетната вистина, без да трепнам“, напиша тој, иако подоцна ја избриша објавата.
Само малку пред целиот хаос, Карлеуша во поткастот „Бункер“ зборуваше за нивниот специфичен однос, опишувајќи го Бирташевиќ како свој брат и клучна фигура во животот:
„Многу е важно да имаш искрен пријател. Зоран е мој брат, пријател и соработник веќе 20 години. Разговараме со часови, тој му помага на еден артист под стрес сам во себе да пронајде мир и решение“, изјави тогаш пејачката.
Запрашана дали тој е личност која никогаш нема да ја осуди, Карлеуша искрено призна дека нивната динамика отсекогаш била бурна:
„Зоран нема да ме издаде, но многу ќе ме осудува и многу ќе ме критикува. Никој не се кара како Зоран и јас, буквало се караме на крв и нож“, призна Карлеуша непосредно пред да стават крај на нивниот однос.
