Милица Тодоровиќ неодамна се оствари во улогата на мајка и ужива во новото животно поглавје, но во една прилика отворено зборуваше и за проблемите со депресијата, кога размислувала да се повлече од естрадата.
Потоа ја сними песната „33“, за која вели дека е автобиографска.
– Неодамна зборував за еден потежок период од животот и затоа реков дека песната „33“ на некој начин е моја животна песна. Зошто? Затоа што дури минатата година ме стигна тој некој „бурнаут“, како и да го наречеме, односно „согорување“. Почувствував дека полека тонaм, дека музиката ме заморува и дека ме заморуваат луѓето, не ми се излегува на сцена да пеам, не ми се даваат интервјуа. Во мојата песна „33“ се вели: „А сè уште си млада да ти палат свеќи, кога сакаш сè, а ништо не те сака“, а јас одамна сакам сешто да ми се случи, и некој поголем концерт и… – тогаш се расплакала Милица.
Пејачката тогаш откри дека сакала јавно да зборува за својот проблем бидејќи знае дека и бројни нејзини колеги се соочуваат со истото, поради што некои од нив се препуштаат на пороците.
– Сакав намерно да кажам јавно за тоа за луѓето што имаат проблеми со тоа да можат да си кажат: „Еве, таа е јавна личност, па зборува за тоа“. Да, но јас сум живо суштество, од крв и месо, тоа може да му се случи на секого. И повторно ќе кажам – ако не се чувствувате добро, не е срамно да се обратите кај психотерапевт, психијатар или кај кого било, за да не се случи убиство, самоубиство, да посегнете по дрога или алкохол – порача Милица и додаде:
– Имаме многу примери на естрадата, особено меѓу моите колеги и колешки. Не се знае кој повеќе се дрогира, за жал. Мене ми е жал поради тоа. Не ги обвинувам, само некако сакам да им дадам поддршка и да им кажам: „Еве, луѓе, јас успеав, можете и вие“ – порача Милица неодамна за „Блиц“.
