Хрватскиот пејач Санди Ценов долго време не беше во јавноста, а на сцената беше популарен во текот на 2000-тите.
Иако не е многу во јавност, пејачот е активен на социјалните мрежи. Тој сега сподели со своите следбеници слика на која позира со поранешната српска тенисерка Ана Ивановиќ.
Пораката што ја напиша покрај фотографијата привлече посебно внимание.
– Шетајќи низ светот, запознаваш многу интересни луѓе – напиша Санди покрај фотографијата и ја означи Ана.
На фотографијата направена за време на свечена вечера на отворено, Ана и Санди позираат прегрнати и насмеани. Поранешната тениска ѕвезда блескаше во елегантен црн фустан со светки, додека Санди беше во црно одело и бела, раскопчана кошула.
Нивната заедничка фотографија брзо привлече внимание на социјалните мрежи, особено поради пораката што музичарот ја остави по средбата со познатата спортистка.
