Оној што го сака Бог поминува низ такви страдања што човек без длабока вера во Бог не би можел да ги поднесе, туку би се разболел душевно. Св. Софрони Сахаров. Оваа порака за Велигден ја упати младиот пејач Милан Станковиќ, кој реши да се замонаши и поголемиот дел од времето го поминува во манастирот Подмаине кај Будва.
Таму е заедно со неговиот свештеник, но и близок роднина, па не треба да чуди што токму тоа место го избрал за да се подготви за монашкиот пат кон кој долго време се стреми преку разни послушанија и задачи.
Како што пишуваат српските медиуми, во пресрет на манастирската прослава, на празникот Успение на Пресвета Богородица на 28 август, Милан ќе добие благослов за почеток на монашкиот живот.
Во таа прилика ќе биде облечен во мантија, односно повеќе нема да носи обична облека како другите верници. Колку ќе трае неговиот пробен период, а може да биде и до три години, зависи од одлуката на игуменот на манастирот.
