По повеќе од две децении брак, пејачот Харис Џиновиќ и неговата сопруга, модната дизајнерка Мелина Џиновиќ, решија да стават точка на нивната врска.
Имено, Мелина и Харис поминаа 22 години заедно, а во бракот ги добија двете деца – ќерката Џина и синот Кан.
Децата останале да живеат со Харис во вила во Сењак, додека модната дизајнерка го напуштила нивниот дом пред една година, како што неодамна изјави пејачот.
Како што дознаваат српските медиуми, модната дизајнерка Мелина Џиновиќ решила да го смени презимето по разводот со Харис.
Таа не сакала да го задржи презимето на сопругот, туку си го вратила моминското презиме – Галиќ. Се чека само формално да ги смени документите и да добие документ дека официјално се разведени.
