Ламбе Алабаковски пак се враќа во Америка, од каде што со сопругата и со синот се врати во Македонија во 2021, а таму живееше пет години.
Пејачот на својот инстаграм-профил објави дека за Стара Нова година ќе пее во Америка, во хотелот „Хард рок“ во државата Флорида, со уште неколку музичари од Балканот на 13 ноември.
-Дома чувството е неописливо со зборови. Благодатно, исполнето, душата на место и секако носталгијата е побиена, ја снема! Среќни сме сите многу , кога си отсутен повеќе време учиш сè повеќе да цениш што е татковина и дом- рече Ламбе кога се врати од Америка.
Со сопругата и со синовите, тој сега живее во Битола и често настапува низ Македонија.
-Татко ми е веќе пензионер и секогаш е на мојата страна и поддршка за сѐ, често знаеме и заедно да музицираме, да пееме така се одржуваме и во добра кондиција. Мило ми е што е вљубеник во природата и планината- рече Ламбе за татко му кој живее во родното село Љубојно, во едно интервју за „Слободен печат“.
