Пејачката Сандра Решиќ откри дека колешката Мина Костиќ ѝ земала 500 евра бакшиш, а идентична приказна претходно раскажа и пејачот Борис Стјепановиќ.
Засега не е познато дали станува збор за ист настап на кој била оштетена Сандра Решиќ или пак Борис останал без бакшиш во некоја друга прилика.
Борис Стјепановиќ претходно детално опиша што се случувало таа вечер.
„Кога гостите се опуштија и испија по некоја чаша, почнаа да нарачуваат песни и да даваат бакшиш. Еден гостин за песна ѝ даде на Мина банкнота од 500 евра, која таа веднаш ја згужва и цело време ја држеше во рака. Подоцна, гостите неколкупати плаќаа песни со помали суми, а тие пари Мина уредно ги оставаше на местото предвидено за заедничкиот бакшиш. Само тие 500 евра ги задржа за себе. Потоа испеа уште две песни и замина да седне“, раскажа Борис.
Тој тврди дека ѝ кажал на Мина дека видел што направила и побарал да ги врати парите, но таа, според неговите зборови, само го напуштила сплавот.
„Си замина без поздрав, преку помошен излез, за да не ја забележиме. Подоцна ја повикав да ја прашам зошто го направи тоа, а таа ми одговори дека ѝ припаѓа сумата што самата ќе ја одреди од заедничкиот бакшиш“, тврди пејачот.
По обвинувањата што јавно ги изнесе Сандра Решиќ, Мина Костиќ се огласи за медиумите и ги негираше тврдењата.
„Јас таа колешка воопшто не ја познавам. Од почит кон нејзиниот татко, нема да кажам ништо што можеби треба, затоа што со нејзиниот покоен татко сум во ист ранг, а не со неа. Во моментов се занимавам со својата веридба и убави теми, а не со изјави на колешки“, порача Мина.
