Руби Роуз ја обвини Кети Пери за сексуален напад, кој наводно се случил пред многу години во ноќен клуб во Мелбурн.
Актерката од „Портокалово е ново црно“ ги изнесе своите тврдења во серија објави на социјалната мрежа Тредс, а подоцна потврди дека целиот инцидент го пријавила во полиција, пренесуваат странските медиуми.
Сè започна кога Роуз одговори на објава за Кети Пери, која го исмеа настапот на Џастин Бибер на Коачела.
Роуз кратко напиша на платформата „Тредс“: „Кети Пери сексуално ме нападна во ноќниот клуб ‘Спејс маркет’ во Мелбурн. Кого го интересира што мисли таа. Ми требаа речиси две децении јавно да го кажам ова. Многу сум благодарна што издржав доволно долго за да го најдам својот глас, но тоа само покажува колку траумата и сексуалниот напад можат да влијаат врз мене“.
Потоа таа го објасни своето обвинение.
– После тоа, повратив врз неа. Веќе ја раскажав приказната јавно, но ја претворив во „смешна пијана анегдота“ бидејќи не знаев како поинаку да се справам со тоа. Подоцна се согласи да ми помогне да добијам американска виза, па молчев. Но, ви кажав дека таа не е добра личност. Наместо тоа, сите ме нападнаа – додала таа.
Кога еден корисник на шега коментирал „таа бакна девојка, а тебе не ти се допадна?“, алудирајќи на познатиот хит на Кети Пери „I Kissed a Girl“, Роуз одговори со детален опис на наводниот инцидент.
– Таа не ме бакна. Ме виде како „се одморам“ во скутот на мојата најдобра пријателка за да ја избегнам, се наведна, ја повлече долната облека настрана и ја триеше нејзината одвратна вагина од моето лице сè додека не ги отворив очите широко и не повратив врз неа – раскажала Роуз.
Друг корисник ја потсети на нејзината јавна расправија со Пери во 2017 година и праша зошто не го пријавила инцидентот во полиција. Актерката првично одговори дека не е заинтересирана да поднесе обвиненија, „особено затоа што дури и не сум поднела обвиненија за повеќекратни силувања од возрасни мажи“.
Таа тврдеше дека Пери нема да ја тужи „за тоа што се случило, имам фотографии и било јавно и повеќе луѓе биле сведоци на тоа“. Таа исто така ја спомена „силната психолошка манипулација“ од страна на пејачката.
Сепак, Роуз подоцна објави дека се предомислила.
– Денес одам во полициската станица за да видам дали некое од моите искуства може да се истражи. Претпоставувам дека рокот на застарување е истечен, но тоа е уште една причина повеќе да се обидеме – објавила таа, додавајќи дека сака да им се заблагодари на сите жени кои јавно проговориле за сексуалниот напад.
Неколку часа подоцна, таа објави: „Го направив тоа“, потврдувајќи дека ја напуштила полициската станица.
Претставник на Кети Пери испрати изјава до „Џаст Џерд“ во која ги негира обвинувањата.
– Тврдењата што ги изнесе Руби Роуз на социјалните медиуми за Кети Пери не се само категорично лажни, туку се и опасни, безобѕирни лаги. Г-ѓа Роуз е веќе добро позната по тоа што изнесува сериозни обвинувања против разни поединци на социјалните мрежи, кои постојано беа негирани од именуваните лица – се вели во соопштението.
