Сека Алексиќ објави семејни фотографии на 12 април по повод Велигден, прикажувајќи ја и празничната декорација во својот дом, но вниманието на нејзините обожаватели го привлече нешто сосема друго.
Пејачката позираше покрај трпезата и велигденските јајца со сопругот Велјко Пиљикиќ и синовите Јован и Јаков, а во прв план дојдоа тетоважите на нејзиниот сопруг. На една од рацете, покрај останатите тетоважи, се наоѓа и лик на жена, за кој дел од следбениците сметаат дека личи на Јелена Карлеуша.
„Луѓе, дали ова е сопругот на Сека Алексиќ со истетовирана Карлеуша на раката или само многу ми личи? Ова е ликот на Јелена Карлеуша“, напиша еден корисник на социјалната мрежа Икс.
Коментарите се редеа. Додека една корисничка тврди дека е „Сека кога имала избричена глава“, други сметаат дека повеќе личи на Слаѓана Милошевиќ.
Сепак, најмногу луѓе сметаат дека тетоважата најмногу потсетува на Карлеуша.
„Мене ова ми изгледа со ист нос, исти усни, исти очи“, напиша еден корисник.
Да потсетиме, Сека неодамна зборуваше за својот однос со сопругот, истакнувајќи дека тој никогаш не вршел притисок врз неа околу бременоста и покрај прашањата од околината „што ако те остави мажот ако не родиш деца“.
„Имав среќа зад мене да стои сериозен маж кој искрено ме сака и нему не му беше важно дали ќе можам да родам деца или не. Нему му бев важна јас и мојата среќа“, изјавила Сека.
