Во сараевската населба Добриња вчера е убиен Аднан Метановиќ (36), дознава порталот „Аваз.ба“.
Аднан Метановиќ бил син на покојниот Руждија Метановиќ, музички менаџер и продуцент, кој соработувал со Тифа.
Телото на 36-годишен маж било пронајдено на тротоарот пред зградата во понеделник вечерта, поради што на почетокот се сомневало дека станува збор за самоубиство.
Меѓутоа, полицијата утврдила дека станува збор за насилна смрт, по што тројца мажи биле уапсени под сомнение за убиство – Н. П. (1999), А. Ш. (2000) и Д. Ќ. (1993), сите од Сараево.
Тие се осомничени дека го убиле 36-годишен Аднан, а потоа се обиделе да ја претстават неговата смрт како самоубиство.
По кривичната обработка, тие ќе бидат предадени на обвинителството, кое продолжува со истрагата и утврдувањето на сите околности на злосторството.
Како што дознава „Аваз“, еден од осомничените за убиството им раскажала на полицајците дека во станот на Метановиќ дошол со уште една личност.
Тој изјавил дека таа личност веднаш почнала да го удира Метановиќ со рацете и нозете, а потоа и со метална прачка, како и сп лажица за чевли. Додал дека му нанел повреди по целото тело, особено на главата.
Во еден момент, во станот влегла и трета личност, по што двајцата продолжиле да го тепаат, додека третиот осомничен снимал сè. Според неговите зборови, Метановиќ бил во толку лоша состојба по тепањето што едвај се движел или зборувал. Како причина за нападот, тој навел дека, наводно, Метановиќ „средил да бидат претепани“.
Тој исто така рекол дека личноста што учествувала во нападот подоцна отишла дома да се пресоблече бидејќи била покриена со крв.
Инаку, менаџерот Руждија Метановиќ им помагал на младите музички таленти и бил близок со некои познати групи како „Црвена јабука“, „Синиот оркестар“ и Тифа.
