Нашата денешна фото-приказна е 30-годишната тетовчанка Моника Стефановска, убава и успешна од секој аспект. Таа е каратистка и магистер по спортски менаџмент. Моментално поради професионалниот однос кон спортот и обврските е невработена. Хоби ѝ е планинарење, фитнес и гимнастика. Наградата за најдобра спортистка на Македонија во млади сениори ја издвојува како најважна за неа, а првиот интернационален златен медал го освоила на првенството на Југоисточна Европа (1999) на само 8 години. За разлика од нејзините врснички, вели дека не може да си дозволи доцни излегувања, лоша исхрана или малку повеќе алкохол. Инаку, на скорешното Европско фудбалско првенство беше прогласена за најубава Македонка – навивачка од трибините.
