Добро упатени извори тврдат дека принцот Хари завчера разговарал со својот татко, кралот Чарлс III и му го честитал 75-тиот роденден. Тоа беше нивниот прв телефонски разговор по шест месеци. Со британскиот монарх разговарала и Меган Маркл, а децата на славната двојка Лилибет Дијана и Арчи Харисон во специјално видео му пееле роденденска песна на својот дедо.
Овие детали ги пренесува британски Телеграф, кој наведува дека принцот Хари и Чарлс ќе се слушнат следната недела, по големиот пресврт во нивната врска.
И додека многумина беа среќни со оваа вест, Омид Скоби, кој важи за неофицијален портпарол на Меган Маркл и принцот Хари, објави извадок од неговата книга „Endgame“ и тврди дека помладиот син на Чарлс III и принцезата Дијана не бил информиран дека неговата баба била во критична состојба. Според овој автор, на принцот и на Меган Маркл минатата година не им било кажано дека британскиот двор се подготвува за тажната вест. Да потсетиме дека кралицата Елизабета Втора почина на 8 септември во Балморал, Шкотска.
Скоби сугерира дека врската на Хари и Вилијам е непоправлива бидејќи помладиот брат го смета принцот од Велс за предавник. Авторот напишал дека ништо не се сменило во односите меѓу браќата откако на почетокот на оваа година беа објавени мемоарите на Хари „Резерва“.
Бакингемската палата не го коментираше делот од книгата на Омид Скоби, пишува Дејли мел.
