На социјалните мрежи се поведе дебата за поените што српското жири им ги додели на учесниците, а најмногу критики следеа поради тоа што на Хрватска не доби ниту еден поен од нив. Интересно е што гласовите на српската публика покажаа сосема поинаков резултат — Хрватска доби 12 поени.
Јелена Томашевиќ сега им се обрати на хрватските претставнички и истакна дека таа им дала висок број поени.
„Драга Зорја и драги девојки од групата Лелек, ви честитам за извонредниот настап! Од мене синоќа добивте голем број поени. Жал ми е што тоа не се виде во конечниот збир на жирито“, напиша таа и додаде:
„Нека поените не ви бидат главниот впечаток од натпреварувањето. Во 2005 година за песната ‘Јутро’ добив 0 поени од жирито. Знам како се чувствувате! Голема прегратка за вас!“, порача пејачката.
На Инстаграм се огласи и Александра Ковач, која беше претседателка на овогодишното жири.
„Инсистирав јас и моите колеги да гласаме музички, а не политички, бидејќи сме повикани стручно да ги оценуваме песните и изведувачите, а не да се занимаваме со евтина политика.“, напиша таа.
Таа додаде и дека секој член на жирито гласал независно, без меѓусебно договарање.
„Секој гласаше за себе, врз основа на своето стручно мислење. Се договоривме никој да не ги знае гласовите на останатите членови, за да не влијаеме едни на други“, објасни таа, пренесе Нова.рс.
