Јелена Спенџарска која е по потекло од Берово, сподели ретка семејна приказна поврзана со нејзината баба.
Познатата водителка ги сподели своите емоции со следбениците на социјалните мрежи при посетата на селото Двориште, родното место на нејзината баба Нада.
Во серија објави, Јелена го документираше патувањето до куќата каде што нејзината баба ги поминала најраните години од својот живот. Посетата помина со мешавина од возбуда и носталгија, Стоејќи пред старата, руинирана градба која сè уште му пркоси на времето, таа упати порака за минливоста на животот, но и за вечноста на сеќавањата.
„Денеска одиме во селото каде што е родена баба ми. Сакам да ја видам куќата, ако не е распадната“, напиша Јелена на Инстаграм, а потоа се сликаше со баба ѝ до куќата и додаде:
„Еве ја, уште се ‘држи’ некако куќата каде се родила и пораснала мојата баба Нада. Фасцинантно е да можеш да слушаш но и да сведочиш за едно време, за начин на живот кој веќе не постои, за спомени кои биле толку реални иако поминале гооооооодини и години. Замислете оваа жена до мене имала соништа токму тука, тука создавала пријателства, плачела, учела, си играла. Ни на крај памет дека еден ден, повеќе од 70 години ќе дојде да се слика тука со внуката“, сподели Јелена.
