Познатата македонска поп-пејачка и истакнат сопран во Националната опера и балет, повторно успеа да го привлече вниманието на јавноста, но овојпат не само со својот моќен глас, туку и со својот неверојатен физички изглед.
На својата последна објава на социјалните мрежи, Талевска изненади со сликата на која е видливо ослабена. Облечена во елегантно црвено сако, тесни фармерки и високи потпетици, таа изгледа посвежо и поенергично од кога било.
Иако Наде отсекогаш пленела со својата харизма, новата визуелна трансформација е повеќе од очигледна. Како дел од ансамблот на Националната опера и балет, таа продолжува да ги освојува сцените со својот раскошен вокал, докажувајќи дека врвната форма оди рака под рака со дисциплината потребна за оперската уметност.
„Не би била искрена ако кажам дека е лесно да се биде самохрана мајка, но задоволството е неискажливо кога сведочиш на тоа како твоите деца се развиваат во прекрасни и одговорни индивидуи. И се разбира дека сум ѝ неизмерно благодарна на мојата мајка, која е секогаш покрај мене и безрезервно ме поддржува и ми потпомага за сè во животот“, рече Наде во едно неодамнешно интревју за „Слободен печат“.
