Татјана Џамбазова, архитектката која живее во Америка, сестрата на Игор Џамбазов си ја отвори душата за своите покојни родители Александар Џамбазов и Анче Џамбазова и раскажа интимна семејна приказна.
„Ако е точно дека си ги одбираш родителите, ќе ги одберам уште 100 пати ако сум родена. Мама поправаше сѐ , мама молерисуваше, телевизор ќе се расипе, таа работеше сѐ, тато беше еден изгубен уметник.
Приказни за него колку има“, рече Татјана во подкастот на Стефан Лазаров, а потоа додаде:
„Јас си имам добиено папучи од мајка ми. Еднаш многу се налути зашто заборавив ѝ да ѝ кажам дека после школо ќе одам кај другарка ми.
Мислам дека навистина нѐ научија да водиме сметка за работи кои се важни, и да не ни се важни брендови, да не ни се важни материјални работи во животот. Се сеќавам секогаш тоа ми беше драма кога бев мала, сите мои другарки имаа Levis фармерки, јас имав Рашица. Леле драми!
Ама, мама и тато навистина без шега нѐ научија дека ништо тоа не значи. Јас мислам дека тие се обидуваа додека бевме на одредена возраст, да видат дека разбарвме, и дека сега може да ни веруваат.
И знам дека беа многу построги од луѓе со кои израснав, нив ги пуштаа да одат во ‘Мусандра’, јас немаше шанси да одам во ‘Мусандра’. Имаше шанса да влезам без да знаат. Ама, ако рекле мама и тато не може- не може.
И после тоа кога сфатија дека сме на добар пат, после тоа нѐ пуштаа многу повеќе од други луѓе“, рече Татјана Џамбазова.
