На петтиот по ред протест „Србија против насилството“, по трагедиите во белградското основно училиште и во две села кај Младеновац се приклучија и актери.
Актерот и режисер Драган Бјелогрлиќ вечерва рече дека мисли оти денес има повеќе демонстранти од кога било.
„Посебно сакам да им се обратам на младите во Србија, пред еден месец бевме опфатени со трагедија каква што нашите луѓе не помнат. Трагедија која никогаш нема да ја преболиме и не треба да ја преболиме. Сите наши порази и несреќи, по сите злосторства што сме им ги направиле на другите и сме го допреле дното, а ако има дно, го допревме тој ден“, рече Бјелогрлиќ.
„Тоа што вие младите излеговте на улица, што не сакате да живееме во ова соголено општество, дава надеж дека ќе се издигнеме од тоа дно“, рече Бјелогрлиќ.
