Омилените животни на кралицата Елизабета Втора, два корги и еден коњ, беа изнесени надвор за време на погребната поворка во Виндзор, пишува Гардијан.
Нејзините миленици беа изнесени за да го ја искажат нивната почит на споменот на кралицата за време на погребната поворка во Виндзор. Две од кучињата корги на Елизабета II, по име Муик и Сенди, стоеја на влезот на замокот Виндзор. Средниот син на кралицата, принцот Ендру, дојде да ги поздрави. Инаку, тој ќе продолжи да се грижи за нив.
На долгата прошетка што води до замокот Виндзор стоеше и црниот коњ на Елизабета II. Во изминатите неколку години, Елизабета Втора повеќепати беше забележана како јава коњ по име Ема.
Денеска, Елизабета Втора ќе биде погребана покрај нејзиниот починат сопруг принцот Филип во спомен капелата на нејзиниот татко, кралот Џорџ Шести. Погребот во капелата ќе се изврши во затворен формат. На церемонијата ќе присуствуваат само членови на кралското семејство.
