Пејачот Харис Џиновиќ се огласи откако неговата поранешна сопруга Мелина Галиќ се омажи за британскиот милионер Џефри Пол Арнолд во Монте Карло, а неговите зборови ја шокираа јавноста, а се однесуваат на ќерката Џина Џиновиќ.
Иако медиумите во регионот пишуваат за луксузната свадба на дизајнерката и нејзиниот нов избраник, Харис Џиновиќ истакнува дека одамна свртел нов лист и дека апсолутно не е заинтересиран за животот на поранешната сопруга.
„Не ме интересира што се пишува, ниту ме интересираат реалните настани за неа, тоа не ме интересира тоа, одамна, кога се разидовме, се свртев кон својот живот, кон своето дете, што имам јас со тоа? Таа може да се омажи, да се убие, што и да сака… не ми е грижа. Таман работа, јас да размислувам за некое минато, не ми паѓа напамет“, рекол тој.
Сепак, она што им го привлекло вниманието на сите бил односот на пејачот со децата по разделбата на семејството.
Во својата изјава, Харис повеќепати нагласил дека се посветил на „своето дете“, мислејќи исклучиво на својот син Кан, кој останал да живее во неговиот дом и кој му е најголема поддршка.
Од друга страна, Харис не ја споменал ќерката Џина Џиновиќ.
Со оглед на тоа што Џина присуствувала на свадбата на мајка си Мелина и не се одвојувала од неа за време на венчавката, со овој потег Харис Џиновиќ индиректно потврдил дека не е во добри односи со ќерката.
