Познатата 49-годишна актерка Гвинет Палтроу ќе ангажира „ментор“ кој ќе ја води и ќе ѝ помага за време на менопаузата.
Таа неодамна на своите следбеници на Инстаграм им порача дека постои „конфликтна наука за некои хормонални работи“.
– Се трудам да го доведам моето тело во најдобра можна форма и оттаму да проценувам – изјавила актерката.
Гвинет е мајка на две деца, а за борбата со хормоналните промени зборуваше и претходно, додека минува низ предменопауза, која обично започнува на возраст од 45 до 55 години.
Актерката рече дека го следела советот на својот лекар, но и медицинскиот експерт кој ѝ помогнал „со одредени додатоци во исхраната, кои вклучуваат растенија, адаптогени и фитонутриенти“, пренесува Daily Mail.
– Исхраната и тренингот се многу важни. Се трудам да шетам повеќепати неделно, се потам, вежбам, одам во сауна, а тоа се само мои начини на справување – изјави Палтроу.
Минатиот септември Гвинет зборуваше за тоа како се справува со пременопаузата во доцните четириесетти години, велејќи дека поради хормоналните промени се бори со лавина од емоции.
