Откако беше елиминиран од натпреварот „Ѕвезде Гранда“, кандидатот Душан Вукадиновиќ ја обвини својата менторка Снежана Ѓуришиќ дека барала поткуп од мајка му за да може да помине во следниот круг на популарното натпреварување, а сега еден од членовите на експертското жири, Ѓорѓе Давид, се огласи и ја коментираше целата ситуација.
– Ги замолувам натпреварувачите да бидат поконцентрирани од било кога. Мора да се однесуваат како професионалци. Сега критериумите се подигнати, во игра се сериозни пеачки задачи. Тоа се веќе сериозни игри – изјави рокерот.
Кандидатот на „Ѕвезде Гранда“ Душко Вукадиновиќ ја обвини својата менторка за поткуп, а Ѓорѓе остро ги осуди неговите постапки.
– Жал ми е за Снежана, а дебилите не можам да ги коментирам. Болни родители кои сакаат да ги остварат своите проекции на неостварени соништа преку своите деца ги проектираат на деца кои се талентирани и ги претвораат во идиоти кои мислат дека знаат подобро од професионалците, па затоа се имбецили. Сè што сакав да кажам на таа тема, кажав. Господ нека им е на помош – рече рокерот и откри како се чувствувала Ѓуришиќ:
-Не ѝ е добро, тешко ја прифати ситуацијата затоа што беше обвинета од некој дека заработила многу пари од поткуп. Тоа може да го направи само некој што не може да се помири со пораз на спортски начин. За жал, тоа го има насекаде – рече тој.
