Победникот на „Елита 8“, Ненад Маринковиќ Гастоз, ќе мора да се подложи на операција поради проблем со ‘рбетот.
Имено, за време на престојот на имотот во Шимановци, Гастоз неколку пати се пожалил на вкочанетост на ногата, а откако го напуштил реалното шоу, посетил приватна клиника каде што му направиле магнетна резонанца на ‘рбетот.
Синоќа, гостувајќи во емисијата „Народ пита“, Маринковиќ откри дека се консултирал со лекари кои ги разгледале неговите наоди и веруваат дека мора да се подложи на операција.
– Отидов на консултации, 99 отсто ќе морам да одам под нож. Имам компресија на ‘рбетниот мозок и тоа создава нерамнотежа во целата лева страна од моето тело, и ногата ми се укочува. Некои пршлени како да осцилирале, но постои метод за вештачко правење диск и за седум до 10 дена сум на нозе. Тоа е сè што ви кажав, немам проблем со ногата и можам да го движам вратот – одговори Гастоз на гледач кој беше заинтересиран за неговата здравствена состојба.
Ненад, исто така, се осврна на стресот предизвикан од престојот во затворен простор и објасни колку тоа влијаело врз неговото однесување.
– Се обидов да бидам посилен од играта, но заклучи се во лифт 10 минути и ќе видиш стрес, а не 10 месеци со луѓе кои сакаат да ти стават нога. Времето поминува побрзо кога си свој, бидејќи лагите имаат кратки нозе, а гледам дека некои нозе се лошо скршени – продолжи Гастоз, кој неодамна го загуби судскиот спор против Ненад Радоњиќ Брендон .
