Рада Васиќ, некогашна учесничка во регионалното реално шоу „Големиот брат“, се соочува со сериозни здравствени проблеми. Минатата година таа објави дека боледува од рак на дојка, кој подоцна се проширил на белите дробови.
Нејзината ќерка, Ана Николиќ – позната на јавноста како Мика од шоуто – откри во каква состојба се наоѓа мајка ѝ.
„Мама е болна, знае се од што боледува. За жал, болеста е неизлечива, со терапиите само се продолжува животот. Да, имаше карцином на дојка, а сега има карцином на бели дробови. Терапијата што ја прима е премногу јака, па повеќе време минува во кревет. Чувствува замор, потење, трнење на рацете и нозете, кашлица… Јас сум тука со неа и ќе дадам сè од себе да ѝ помогнам,“ изјави Ана за „Мондо“.
Ана се присети и на својот татко Раде, кој почина оваа година. „Имав најдобар татко на светот. Беше позитивен, дружељубив, светски, а наш. Кога му кажав за мојата промена на полот, ми рече: ‘Ако мислиш дека ќе бидеш посреќна, направи го тоа, јас сум тука за вас‘. И мама беше поддршка,“ рече таа.
Семејството Васиќ стана познато во 2015 година преку „Големиот брат“, каде што Рада и Раде учествуваа со синовите Мика и Гиба. Подоцна тие го сменија полот и станаа Ана и Ивана Николиќ.
Минатата година, Рада откри дека покрај својата болест, и нејзиниот сопруг имал сериозни здравствени проблеми – двата бубрега му откажале и морал неколку пати неделно да оди на дијализа.
