Судот во Индија му нареди на еден фризерски салон да плати 20 милиони рупии (271.000 долари) како отштета на манекенката за погрешна фризура.
Во тужбата се наведува дека жената поради својата долга коса често добивала ангажмани кај компаниите за производство на производи за коса, но дека во фризерскиот салон не била потстрижена според дадените упатства, поради што претрпела голема загуба, пренесува Би-би-си.
View this post on Instagram
Индиската Национална комисија за решавање потрошувачките спорови (НЦДРЦ) соопштила дека жената ги загубила „очекуваните работни ангажмани и претрпела огромна загуба којашто целосно го променила нејзиниот животен стил и ѝго уништил сонот да стане врвен модел“.
View this post on Instagram
„Таа претрпела тежок психички слом и траума поради негрижата при стрижењето на косата и не можела да се концентрира на работата и на крајот ја изгубила работата“, се наведува во пресудата.
Манекенката во 2018 година отишла во еден хотел, во кој се наоѓа фризерскиот салон, и на вработените им дала посебни упатства за изгледот што го сака, но фризерот исекол голем дел од нејзината коса.
