Пејачот Зоран Ванев се врати од Швајцарија во родната Македонија, а оваа наша позната шарматна дама го угости.
За Ванев се знае дека ги испеа хитовите „Ангела, Ангела“, „Јужна пруга“ и многу други и стана популарен во Македонија и во Србија. Потоа, замина во Швајцарија и стана доктор по природна медицина со своја ординација.
Ванев направи луксузна куќа во својот роден Штип, откако долги години има добар бизнис во Швајцарија. Тој веќе неколку години наназад е еден од најбараните доктори за природна медицина. Неговата клиника во Цирих станала место коешто го посетуваат луѓе од целиот свет.
Зоран Ванев дипломирал на Парацелсус Академијата за Алтернативна медицина во Цирих, и е првиот Македонец во Швајцарија кој ја има титулата доктор за природна медицина.
Сега, тој се врати во родниот Штип заради настап на фестивалот „Макфест“, каде што беше одлично пречекан од штипската публика со песната „Душо моја“.
На новите фотографии на Ванев се гледа дека знае и да го готви, а го пречекува една позната дама. Тоа е Драгица Стевковска-Дракче која неодамна имаше тешка операција и сега пак застана на нозе.
