Естрадниот пар Миле Китиќ И Марта Савиќ минатата година се вселија во нов дом на Авалa, пространа вила која по изглед и големина потсетува на хотел.
Сепак, уште пред неколку години Марта решила дел од заработката да ја вложи во недвижност во Доминиканската Република, поточно во Пунта Кана, и како што изгледа – направиле вистински потег. Таа таму престојува и по неколку месеци годишно, а чести гости им се пријатели од Србија и од странство.
Станот што го купиле има 200 квадратни метри и се наоѓа буквално на самата плажа. Недвижноста ја платиле околу 300.000 евра, а потоа ја уредиле по сопствен вкус. Пространиот стан располага со голема тераса на која има џакузи-када, додека во рамките на станбениот комплекс има и базен.
Комбинацијата од луксуз, комфор и егзотична локација го прави овој имот вистинска оаза за одмор далеку од секојдневието.
