Фолк-пејачката Стоја Новаковиќ ја изненади јавноста со најавата дека планира да се повлече од естрадата и да престане со настапи.
Веста ја соопшти непосредно пред настап во Белград, кога во разговор со новинарите откри дека чувствува оти дошло време, на некој начин, да ја заокружи својата кариера.
Таа најпрво се осврна на актуелните случувања на музичката сцена, а потоа ги откри и своите планови.
– Едвај чекам малку да се оддалечам од естрадата и наскоро планирам да престанам со настапи. Ќе има нови песни објавени на Јутјуб, но концерти и гостувања – тешко – изјави Стоја.
Пејачката нагласи дека не станува збор за замор, туку за желба да им се даде простор на помладите изведувачи.
– Не сум уморна, туку мислам дека треба да им се даде шанса на младите да се истакнат, да заработат и да се дружат со публиката. Јас сум се изнаработила доволно и сакам повеќе да уживам. Популарноста никогаш не ми била главен мотив – порача таа, додавајќи дека не планира ниту големи концерти.
– Ја сакам мојата публика, но не планирам концерт. Можеби сум исклучок, но тоа не ме привлекува. Никогаш не сум се туркала да бидам во прв план, секогаш сум била скромна и горда на своите години – истакна пејачката.
