Ким Кардашијан ја ангажираше сестра ѝ Кајли Џенер како заштитно лице на новата линија „Евридеј котон“ од брендот „Скимс“. Колекцијата вклучува памучна долна облека наменета за секојдневна употреба.
Кајли Џенер позира во неколку минималистички комбинации – кафен градник со соодветна танга, како и бел сет долна облека. Фотографиите од снимањето ги сподели на социјалните мрежи со опис дека станува збор за „секојдневен памук“, алудирајќи на удобноста и практичноста на линијата.
Обожавателите веднаш реагираа со бројни коментари, а дел од нив се осврнаа и на нејзината врска со актерот Тимоти Шаламе, нарекувајќи го „среќник“.
Инаку, ова не е прва соработка меѓу сестрите во рамки на „Скимс“. Уште при лансирањето на брендот во 2019 година, Кајли Џенер учествуваше во кампања со обликувачки боди, а во 2021 година им се придружи и на останатите сестри во специјалната колекција за Денот на вљубените.
Во промотивното видео за новата линија, Ким Кардашијан позира во гаќички со висок струк и соодветен градник, при што открива: „Може ли да ви кажам една тајна? Порано никогаш не носев долна облека. Но ‘Скимс’ го промени тоа“.
Паралелно со оваа кампања, Кајли Џенер работи и на заеднички проект со сестра ѝ, комбинирајќи ги брендовите „Лем“ и „Кајли козметикс“, со што семејството Кардашијан уште еднаш го потврдува својот силен бизнис-модел заснован на синергија и влијание на социјалните мрежи.
