Актерот Даниел Крег доби ѕвезда на Холивудската патека на славните, неколку дена пред филмот во кој за последен пат ќе го видиме во улога на Бонд ќе започне да се емитува во САД.
Филмот „No Time To Die“ го означува петтиот и последен настап на Крег во улога на најпознатиот британски таен агент.
Ѕвездата на актерот под реден број 2704 се наоѓа пред адресата „Hollywood Boulevard 7007“, и е поставена веднаш до ѕвездата на покојниот Роџер Мур, кој го играше Бонд во седум филмови од 1973 до 1985 година.
„Апсолутно сум почестен што ќе шетаат по мене низ Холивуд“, рече Крег. „Тоа што на овој тротоар сум опкружен со сите овие легенди ме прави многу, многу, многу среќен човек“.
Продуцентите на филмот Барбара Броколи и Мајкл Г. Вилсон, заедно со Рами Малек кој го игра негативецот Сафин во „No Time To Die“, присуствуваа на церемонијата на посветување на ѕвездата.
(ВИДЕО) ВЛАТКО ГАЛЕВСКИ ЗА НОВИОТ 007 ФИЛМ: Даниел Крег му даде човечна димензија на Бонд
