Влатко Миладиновски испиша историја сношти, како првиот македонски фолк-пејач кој ја наполнил салата „Борис Трајковски“. Се пееше и се играше до после полноќ, а публиката никако не сакаше да го пушти да си оди.
Миладиновски е голем патриот, па го почитува и цени своето родно Кичево. Оттаму изброт на гости му беше од неговиот крај. Дел од гостите беше Влатко Лозаноски, па Миладиновски изненади кога го испеа неговииот голем хит „Километри“.
Гостин беше уште еден кичевчанец кој како што се очекува од него направи вистински џумбуш, а тоа е Спасен Силјановски со неговата „Ќе ти дојдам“. Она што е исто така пријатно изненадување е гостувањето на „Некст тајм“, а Влатко со дуото ја испеа „Ја излези Ѓурѓо“, на што настана уште еден „лом“ во салата.
Дел од гостите беа и најблиските на Влатко, неговиот брат Златко Миладиновски со својот оркестар, но и братучед му Дамјан Стојаноски, син на легендарниот Војо Стојаноски. Концертот го надополнија играорци, танчари, богата сцена со одлично осветлување, и секако веселата публика. Концертот беше во организација на продукција „Балкан медиа“ .
Влатко Миладиновски е најзапаметен по песната „Велат не нема“, но сношти испеа уште многу други. На крајот, како вистински човек од народот, се симна во публиката, за да им се заблагодари за поддршката и се поздрави со многу од нив.
