Пејачката Тања Савиќ ужива во врската со пилотот Мухамед Бешиќ и не крие дека никогаш во животот не била посреќна, а нејзиниот најнов потег ги воодушеви сите.
Тања неодамна го прекина настапот за да му честита роденден на саканиот и тоа со многу емотивни зборови, пренесува српски „Пинк“.
„Сакам да честитам роденден на една моја многу драга личност. Не знам дали таа моја драга личност е тука вечерва. Моето момче вечерва слави роденден, му посакувам се најдобро. Тука е тој, но мислам дека отиде зад сцената. Љубов моја, ти посакувам се најдобро. Нека те следи среќа“, рекла Тања, а нејзиното момче видеото го сподели на Инстаграм со емотивни зборови.
„Љубов моја, ти благодарам на се. Ти си мојата среќа и твојата насмевка е мојот најголем подарок“, напиша Мухамед.
Но тука не беше крајот. Тања после настапот му подготви на саканиот уште едно изненадување што него го остави без текст.
И таа среќа, тој самиот ја сподели на Инстаграм.
„Мојата љубов и нејзините спонтани изненадувања“, напиша Мухамед.
Да потсетиме, Мухамед по професија е пилот, родум е од Босна и Херцеговина, но долги години живее и работи во Америка.
Тој е 11 години е помлад од Тања, а љубовта меѓу нив се роди минатата година, што Тања го потврди во едно од интервјуата кога призна дека е исполнета и среќна.
