Македонскиот модел и фитнес тренер Стефан Спирковски моментално ужива на плажите во Портонови, Црна Гора. Но, одморот му донесе и нервоза, бидејќи тој е познат по дисциплината во исхраната, а црногорските маркети му го „блокираа“ тоа. На „стори“ на својот Инстаграм профил се пожали дека има само еден вид на маркети каде не е возможно да се најде квалитетен зеленчук, кој, иако има ужасен вкус, цените се прескапи.
Вели дека има само еден вид на маркет, како што вели тој „монопол“ на секои 100 метри, а никаде нема свежа риба. Речиси е невозможно да се пронајде месо, а на Стефан тоа му е голема болка, бидејќи е познат љубител на правење и јадење скара. Сепак, на крајот, некако успеа да најде месо и се пофали со местото каде ја распали и скарата, за кое рече дека е создадено баш како за него.
Во меѓувреме, иако е на годишен одмор, Стефан и таму редовно вежба во теретана.
