Раскомотена во пижами, Снеже Велков го покажа својот дом, кој водителката со вкус и со мерак го уредила.
Како што е познато, Снеже секое утро вежба или вози велосипед, а ова видео беше токму од времето кога вежба, поточно се растегнува. Со песната „Главо луда“ од Здравко Чолиќ, Снеже покажа како наутро се растегнува и напиша:
„Нечешлана, пижамосана, ама разгибана.“
Во здраво тело, здрав дух, тоа е поговорката која во целост важи за убавата водителка на емисијата „Нешто конкретно“.
Неодамна, на Снеже ѝ се случи неубав настан.
Таа на крајот од август се огласи на Инстаграм со две приказни, со две вести, добра и лоша. Добрата вест е што таа отиде на кејот на Вардар да провери каква е состојбата откако на тоа место чистела пред четири дена и забележала дека навистина е чисто.
А, лошата вест е дека на Снеже ѝ го украле велосипедот.
„Ми го укадоа точакот, во ГТЦ, на место каде што има камери“, рече Снеже и сподели слика.
Потоа, ги праша следбениците дали некој има слично искуство и дали досега полицијата им вратила украден велосипед.
