Северина повторно привлече внимание со модно издание кое не се гледа секој ден. На настап во Загреб се појави во спектакуларен фустан на познатиот риечки дизајнер, а откри и необичен детаљ – креацијата тежи дури 20 килограми, пишува Тпортал.
Пејачката на Инстаграм сподели фотографии и видеа од настанот, а со објавата духовито коментираше дека за време на настапот направила вистински тренинг. И покрај дождот, атмосферата не изостана, а Северина порача дека публиката и изведувачите заедно направиле вистинско „кардио“.
Северина за оваа пригода одбра импресивен фустан со потпис на познатиот риечки дизајнер Јурај Зигман. Драматичната креација привлекуваше погледи со волуменозната силуета и раскошните детали.
View this post on Instagram
Покрај фотографиите од настапот, пејачката откри дека фустанот не бил само моден предизвик, туку и физички напор.
„Еден од најубавите фустани… ама тежи 20 кг, па синоќа имав и ‘кардио’, но сè за убавина“, напиша таа.
Дождот не ја расипа атмосферата
Иако временските услови не биле идеални, Северина порача дека ни дождот не можел да го расипе доброто расположение. Во објавата им се заблагодари на соработниците кои се погрижиле за нејзиниот изглед и сценскиот настап, и порача дека се радува на ново видување следната година.
„Благодарам на сите, бидејќи не може ништо да ни направи дождот, посилни сме од судбината“, порача таа во свој препознатлив стил.
Објавата брзо собра бројни реакции од следбениците, кои особено ја пофалија нејзината најнова модна комбинација.
