Минатата година се ожени синот на Драган Спасов Дац, а на среќата на глумецот ѝ немаше крај кога вчера осамна веста дека стана дедо на прекрасна внука.
Внуката е крстена со преубаво име, Гаиа.
„Добре дојде на планетава внуко моја Гаиа! И сакам да знаеш дека… Ќе ти ја сакам косата, убавото носе и насмевката. Ќе ти ги сакам очите и веѓите и трепавиците…“, гласи дел од емотивната објава на Драган Спасов Дац за приновата на синот Јаков и неговата сопруга Софија.
Сопругата на Јаков, Софија, која по професија е графички дизајнер, на социјалните мрежи ја сподели првата фотографија од Гаиа.
„Не постои поголема среќа. Фала Ви на сите за искрените желби“ – напиша Софија на фотографијата на која ја држи во прегратка ќерката Гаиа.
Јаков и Софија направија свадба во мај минатата година. Свадбената прослава се одржа во познат скопски ресторан каде присуствуваа голем број личности од јавниот живот.
