Без помош на бастун, легендарниот 74-годишен музичар не може да се движи, а до него е секогаш неговиот асистент. Така било и кога бил „уловен“ од папараците во продавница.
Легендарниот музичар оваа недела беше снимен во продавница во Лос Анџелес, каде пазарувал со помош на својот асистент. Фотографиите набргу станаа вирални, а фановите беа изненадени како пропаднала познатата ѕвезда.
На пејачот пред десет години му беше дијагностицирана Паркинсонова болест и долго време ја чуваше оваа информација во тајност. За болеста првпат проговори пред три години.
– Само сакам да се вратам на сцената. Морам да се вратам на сцената. Ме излудува што не можам да бидам на сцената. Не можам да се опуштам. Секогаш сакам нешто да правам. Мислам, би можел да кажам дека прекинуваме со настапите, но не можам да престанам. Ништо не е подобро од добра свирка и ништо не е подобро од лоша свирка, бидејќи лошата свирка ве тера да сакате да направите добра свирка, подобра од порано. Одлична свирка е подобра од било кој секс или дрога. Нема со што да се споредува – изјави неодамна Озборн во интервју за Јаху.
За неговото тешко одење, како што своевремено самиот кажа, не е виновна само Паркинсовата болест туку и тоа што лошо паднал и се повредил, а операцијата не била успешна.
