Хрватската пејачка Тајчи сподели емотивна објава за својата мајка, со посебен повод и покажа дека личи на неа, и од неа ја наследила убавината.
Татјана Матејаш- Тајчи со видео на Инстаграм ѝ го честиташе роденденот на мајка ѝ која се вика Штефица и живее во Хрватска, но често доаѓа на гости кај неа во Америка.
-Среќен роденден на мојата единствена мајчичка! Ти си мојата радост, мојата добрина, мојата единствена мајка, мојата најдрага“, напишала Тајчи на Инстаграм.
Тајчи е мајка на три возрасни сина, кои сама ги одгледа во тинејџерските години, откако во 2017 година, нејзиниот сопруг Метју, почина од канцер во 2017 година. За „Слободен печат“, Тајчи раскажа зошто во екот на најголемата популарност решила да ја напушти Хрватска, да се откаже од кариерата и да се пресели во Америка.
„Најмногу ме мотивираше стравот дека ќе заглавам во таа популарност и дека нема да имам можност слободно да растам и да се менувам. Не сакав да бидам и да останам Барбика. Ако сте го гледале филмот, ќе сфатите на што мислам.
Живеам во Френклин, Тенеси. Френклин е прекрасен историски град, 20 минути јужно од центарот на Нешвил. Хм… како изгледа денот кога не работам… Секогаш сум зафатена со музика и со музичка продукција“, рече Тајчи.
