Првиот училишен ден секогаш носи посебна возбуда – нови ранци, насмеани лица, малку трема и големи очекувања. Денеска, 1 септември, за многу деца започна уште една училишна приказна, а за некои од нив овој ден беше особено важен бидејќи за првпат седнаа во училишните клупи. Меѓу родителите кои денеска ги испратија своите најмили на училиште се и некои од нашите познати личности.
Тамара Тодевска сподели фотографија од Хана и Дарен и напиша: „Среќно деца мои убави“. Таа откри и дека нејзината ќерка заедно со неколку другарчиња напишале песна и ја отпеале пред првачињата од нивното училиште.
И за малиот Марко, синот на Влатко Лозаноски – Лозано, ова е прв ден на нов почеток, но не во училиште, туку во градинка. Лозано им посака на сите деца и првачиња среќен почеток.
Тој сподели фотографија од малиот Марко и откри дека започнува со градинка.
Никола Перевски – Пере од „Нокаут“ денеска имаше голем повод за славење. Неговата трета ќерка, Софиа, е прваче. Тој објави неколку фотографии од нејзиниот прв училиштен ден во приватно француско училиште.
– Среќен почеток, наша Софиа. Денес ја пишуваш првата страница од една прекрасна приказна – напиша тој покрај фотографиите.
Модната дизајнерка Маја Кикириткова, исто така, сподели неколку семејни фотографии и го прослави првиот училиштен ден на нејзиниот син Лазар и ќерката Ева која оваа година е прваче.
– И второто дете ни порасна. Порасна со брзината на светлината, дојде денот и во училиште да тргнеш. Ново поглавје во твојот, а и нашиот живот. Те сакаме прваче наше – напиша таа покрај фотографиите.
Фотографии од своите синови споделија и пејачката и водителка Јана Бурческа (Дарин) и актерката Маја Андоновска Илијевски (Никола).
И Војдан, синот на Дамјан Стојановски е прваче.
