Помладиот син на Сека Алексиќ денеска го започна своето основно образование, а познатата пејачка не успеа да ги сокрие емоциите.
Јован тргна во прво одделение во државно основно училиште во Стара Пазова, каде што семејството и живее. Сека на свечениот прием на првачињата пристигна заедно со сопругот Велко Пиликиќ, а двајцата со голема гордост го проследија првиот училишен ден на својот најмлад син.
За Сека овој ден бил особено емотивен. Пејачката не ја криела гордоста и возбудувањето, па во еден момент на својата објава додала и емотикони со солзи.
Таа споделила и емотивна семејна фотографија на која позира со сопругот Велко и синот Јован во основното училиште.
„Мамин првач“, напишала Сека покрај фотографијата.
Пејачката го забележала и моментот кога Јован седнал во училишната клупа, со што симболично го започнал новото поглавје од своето детство.
Инаку, Сека и Велко имаат два сина. Нивниот постар син Јаков има десет години, додека Јован во училиште тргна на возраст од шест и пол години.
За семејството ова е уште еден важен момент, а Сека со своите објави покажа колку ѝ значи почетокот на образованието на нејзиниот помлад син.
