Срцето на Игор Којиќ (38), поранешниот сопруг на Северина и син на пејачот Драган Којиќ Кеба, го освоила Николина Шапоња (27) од Риека.
Којиќ минатата година се разведе и од Софија Дачиќ, а во последните месеци ужива со Николина. Во февруари беа видени во еден ресторан, каде што се држеле за раце и цело време биле насмеани.
Романтичната атмосфера дополнително ја нагласила песната на Петар Грашо „Јел’ ти река ко’“, која Николина ја објавила покрај нивната заедничка фотографија на Инстаграм.
Сега таткото на Игор, српскиот фолк пејач Драган Којиќ Кеба, го коментирал љубовниот статус на својот син.
„Тој има свој фокус. Тој е заљубен и е во среќна и убава врска. Нема ништо однапред да зборувам. Само нека се прават свадби“, рекол Кеба, пренесува „Телеграф.рс“.
Николина и Игор веќе се појавија јавно заедно минатата година. Минатиот октомври, тие беа видени во ВИП ложата на концертот на Кеба.
Николина Шапоња не е сосема непозната за јавноста. Оваа адвокатка од Риека првпат се најде во центарот на вниманието во 2019 година, кога стана прва придружничка на натпреварот за Мис Приморје-Горски Котар. Сепак, се чини дека брзо ѝ здодеала модната писта, па одлучила високите потпетици да ги замени со политика.
Набрзо станала портпаролка на Форумот на млади на СДП и членка на Советот на млади на Градот Риека.
