Мишел Фајфер на доделувањето на наградите на Фондацијата за мириси во четвртокот во Центарот Линколн во Њујорк одржа лекција по елеганција. Актерката носеше црн долг фустан и сако, прекрасна и едноставна комбинација што всушност е и тајната на софистицираниот изглед.
Во 2019 година, Мишел Фајфер се впушти во претприемачките води како експерт за убавина, претставувајќи ја нејзината линија на унисекс мириси, Хенри Роуз.
Многу познати ѕвезди лансираа свои линии на парфеми, но Мишел го подигна нивото со создавање на целосно транспарентна компанија која не ги крие состојките што се користат во производите.
Добитничката на Златен глобус се појави на шоуто „Today“ во вторникот за да ја промовира својата нова линија парфеми, која се прошири на 11 различни мириси од лансирањето пред четири години.
